Universitas Publica Moscuensis Lomonosoviana (pro Moscuensis videntur et Moscoviensis, Mosquensis; Russice: Московский государственный университет имени М. В. Ломоносова) est maxima et antiquissima Russiae universitas.
Haec universitas studiorum novem instituta investigatoria, 29 facultates, et plusquam 300 cathedras habet.
Universitas die 25 Ianuarii 1755 Moscuae condita est. Ad annum 1917, Caesarea Universitas Moscuensis (Mosquensis) appellabatur, dein appellationem universitatis publicae accepit. Ab anno 1940 e nomine conditoris, docti Michaelis Lomonosovi, vocatur.