Manneken Pis (Batave: puer mingens) est aerea statua de quinquaginta prope centimetris in mediis historicis Bruxellis, quae puerum in fonte mingentem repraesentat.
Manneken Pis (Batave: puer mingens) est aerea statua de quinquaginta prope centimetris in mediis historicis Bruxellis, quae puerum in fonte mingentem repraesentat. Erat statua lapidea similis e medio saeculo XV, fortasse iam e 1388 (prima mentio in libris templi Sanctae Gudulae inventa), quae plurimas vices subtracta est. Anno 1619 eam reposuit nova aerea statua facta a sculptore baroco Hieronymo Duquesnoy Maiore. Anno 1695 per urbis oppugnationem a copiis francogallicis Bruxellenses parvum signum protexerunt. Post oppugnationem francogallicam sententia sub statua latine scripta est: In petra exaltavit me, et nunc exaltavi caput meum super inimicos meos. Hodiernum signum simulatio est, quia decennio 1960 verum simulacrum subreptum est. Posterius hoc reciperatum est et in Museo Urbis situm est.