Greenwich Village (Vicus Grenovicum), ab indigenis saepe Village (Vicus) appellatum, est vicinia in latere occidentali Manhata Inferioris Urbis Novi Eboraci sita. Vicus diu appellatur portus artificum, caput Bohemianorum, incunabulum motus LGBT hodierni, et locus natalis in Litore Orientali Aetatis Prostratae et contraculturae annorum 1960. Groenwijck (Districtus Viridis), unum e Nederlandicis vici nominibus, in Greenwich Anglice conversum est. Universitas Novi Eboraci et Nova Schola, duo ex optimis collegiis Neoeboracensibus, in Greenwich Village sita sunt.