Fundus Papilionum Stratfordiensus est illecebra salutatorum Stratfordiae super Avonem in Comitatu Warwicensi Angliae sita. Foliacea circumiecta tropica intra magna viridaria hiberna simulantur. Sunt multi papiliones libere volitantes, paucae aves volantes, lacuna pisces tenens, et aqua fluens; etiam sunt insecta et araneae in capsis vitreis habitantes.
Fundus in tribus regionibus praecipuis consistit.
1. Camera erucarum erucas, pupas, ova, et plantas in feturam papilionum aptas tenet. Quae longam per domum vitreum ambulationem praebet.
2. Urbs Insectorum inusitatiora insecta tenet, sicut coleoptera, mantidae, phasmatodea, et diplopoda ingentia. Insecta pone vitrum vivunt, et supra capita hominum pone vitrum sunt formicae folia secantes (generum Attae et Acromyrmicis). Pars Urbis Insectorum, Anglice minibeast appellata, gastropoda et brachyura tenet.
3. Arachnolandia plus quam quindecim species aranearum tenet, inter quas sunt Latrodectus, tarantulae, et Theraphosa blondi, maxima telluris species aranearum. Arachnolandia congeriem scorpionum habet, inter quos sunt Pandinus imperator, qui luce radiationis ultraviolaceae ardet. Omnes araneae pone vitrum manent.
Fundus Papilionum Stratfordianus a Davide Bellamy anno 1985 publicatus est, et eius festum diem anniversarum vicensimum quintum rite celebratus est die 24 Iulii 2010.
| ' plura habent quae ad ' spectant. |
