Cremlinus Moscuensis (Russice: Московский Кремль, tr. Moskovskij Kreml' ) est antiquissima Moscuae pars. Ex Medio Aevo oriunda arx saeculo 15 exeunte denuo exstructa est. Moenia 20 turribus munita annis 1485-1499 aedificata et adhuc bene conservata sunt. Multis aliis arcibus Russicis exemplar factum est.
Cremlinus simul sedes praesidis Russiae ac museum est. Anno 1990 UNESCO Mundi Hereditas declaratus est.