Baiae (Italiane Baia) sunt urbicula Campaniae, regionis Italicae, quae in fabulis appellata dicitur ex Baio, socio Ulixis, illic sepulto. Huc multi Romani antiqui venire solebant ut se ad mare delectarent.
Aquae vicinae calidae sunt ad voluptatem et varios morbos commodae, et quia fertilitate ac rerum copia, aedificiis, litorumque amoenitate praestabant, magna Romanorum multitudo ad eas confluere solebat. Fuit haec urbs temperie aeris et Romanorum frequentia, atque ornamentis aedificiorum celeberrima.