Atomium nomen est monumenti extructi anno 1958 Bruxellis ut Nundinas Universales tunc temporis Bruxellis habitas splendide exornaret.
Eius auctor est ingeniarius Andreas Waterkeyn.
Altitudo illius monumenti est 102 metrorum sive 335 pedum.
Praebet aspectum moleculae cristallinae ferri cum novem atomis suis, ad quorum instar mirificentissime aedificatur.
Ita novem ingentes sphaerae aluminio tectae inter se longis tubis metallicis artissime et elegantissime conectuntur ut aspectum praebeant cristalli ferrei ingentissimi.
Unaquaeque sphaera 18 metra secundum diametrum metitur.
Usque ad culmen itur anabathro rapidissimo cuius iam tunc temporis technica novissima erat, et quod ducit vectores celeritate 5 metrorum ana secundam!
In Belgica propter iura auctoris strictissima vetitur ne, sine licentia magni pretii soluta, sub poena magnae mulctae, edatur photographema huius celebris aedificii.